Flutt

Já, ég er núna flutt út í gestahúsið. Mér fannst alveg ótrúlegt hvað ég á mikið af drasli...Þegar ég kom hingað komust öll fötin mín og allt í eina ferðatösku og svo handfarangurinn. Núna þurfti ég að fara soldið margar ferðir til að fær allt dótið mitt yfir í gestahús - þótt að ég notaði ferðatöskuna til að setja eins mikið og komst í hana =) Þannig að maður þarf kannski að fara að passa að maður sé ekki með of mikið til að komast aftur til Íslands =)

En svo þegar ég var loksins búin að fara allar þessar ferðir með allt draslið mitt yfir þá þurfti ég auðvitað að ganga frá því, eins og maður gerir og ég passaði mig að skilja eftir pláss fyrir dótið hennar Þórdísar þegar hún kemur...það eru bara þrettán dagar þangað til!!! =D ég hlakka alveg ógeðslega mikið til. Eins og þið eruð kannski búin að fatta ;)

Svo er ég alveg á fullu þessa daga að hugsa. Hugsa um hvað ég á að gera í háskóla þar sem það fer nú að styttast í það... ég hef ennþá bara ekki hugmynd um hvað ég vil læra. Ég veit hvað ég vil EKKI læra, en ekki hvað ég VIL læra...þannig að ef einhver er með einhverjar hugmyndir væri ég ekkert á móti því að heyra þær =)

En ég ætla að láta þetta duga núna og halda áfram að horfa á Chronicles of Riddick...
Dagmar