Handbolti, jarðskjálftar o.fl.

Ég vill bara láta ykkur öll vita af því að ég ætlaði að blogga í gær, en svo mundi ég að ég var ekki tilbúin í afmælispartý þannig að ég ákvað að ég mátti eiginlega ekki vera að því, og er sem sagt að bæta upp fyrir það núna =)

En já, eins og flestir vita þá var svakalegur jarðskjálfti á fimmtudaginn. Ég hef aldrei áður á ævinni lent í því að finna fyrir jarðskjálfta þannig að þetta var mjög merkileg lífsreynsla. Hinsvegar hélt ég að mamma ætlaði að fá sér taugaáfall hérna, það munaði ekki miklu að hún actually reif mig upp og henti mér út. Þetta var reyndar búið áður en hún gat gert þetta og svo var hún engan veginn að ná að slaka neitt á. Ég var samt mikið rólegri en ég hefði ímyndað að ég væri í þessum aðstæðum. Ég mundi reyndar ekkert af því sem ég hef lært í gegnum ævina um hvað maður á að gera í jarðskjálfta =Þ

Ég var að taka til í herberginu mínu. Var byrjuð á því áður en mamma sagði mér að horfa á handboltaleikinn. Til að segja satt, gat ég varla einbeitt mér að tiltektinni út af öskrunum í henni þegar hún var að horfa á leikinn...þetta er samt mjög spennandi leikur þannig að mér finnst ekkert skrítið að hún er alveg að fara á taugum =Þ
Við vonum bara það besta. Setjum bara Secret á þetta ;) Við vinnum. Að sjálfsögðu =Þ

Það er reyndar ekki mikið annað í fréttum.

Jú, ég lýg...ég og mamma og Sigga fórum á Ladda 6-tugur á föstudaginn. Það var rosalega skemmtilegt. Ég fattaði reyndar ekki alveg allt, en það er auðvitað ekkert skrítið af því að ég þekkti ekki neinn af þessum milljón karektörum sem hann hefur verið í gegnum árinn. En þetta var samt snilld =)
Ég er búin að vera rosalega dugleg að fara í leikhús undanfarið hálfa árið. Ég hef farið á Ívanov, Gosa, Jesus Christ Superstar og Ladda á þessum tíma.

Svo vill ég minna fólk á að ég á afmæli eftir bara nokkra daga ^^ ég hlakka alveg ógeðslega mikið til =) Ég og mamma ætlum að fara á Argentínu og ég ætla í fyrsta skipti á Íslandi að fá mér vín eða bjór eða eitthvað með matnum, löglega =Þ og svo þarf ég líka auðvitað að kíkja í ríkið =D

Jæja, ég held að þetta er komið nóg. Í hvert skipti sem Ísland skorar, hækkar mamma í sjónvarpinu og segir "ég get ekki horft á þetta" og svo er hún farin að finna sér eitthvað til að ganga frá svo hún þurfi ekki að horfa á þetta eða eitthvað slíkt. Frekar spes =Þ

Við erum samt að vinna, eins og staðan er núna =)

Ég segi ykkur eitthvað meira eftir nokkra daga. Hugsanlega á miðvikudaginn ^^ yay!!

Er verið að grínast í manni?

Sumir eiga bara ekki að fá að vera í vinnu. Ég hef áður tuðað um svona vesen á fólki í vinnu, en þetta fór bara alveg með mig í gær.

Ég var sem sagt á dagvaktir um helgina, eins og venjulega, og þá á einhver að koma klukkan 4 og taka við af mér. Á laugardaginn var strákurinn sem átti að koma klukkutíma seinn, út af smá misskilningi, en hann er alltaf seinn. Svo í gær var hann líka seinn. Ég hringdi í hann 10 mínútur yfir 4 og hann eiginlega skellti á mig, og svo korter í 5 hringir Óli í mig og sagði mér að Axel (seini gaurinn) hafi sagt við hann að hann meikaði ekki að vera að vinna þessa helgi af því að hann vildi fá frí en það gekk ekki. Ég var svo reið þegar mér var sagt þetta, að það var alveg ótrúlegt. Eins og ég sagði, þá eiga sumir ekki að fá að vera í vinnu. Ekki ef þeir ætla að haga sér svona og fara í fýlu ef það sem hann vill getur ekki verið gert.

Ég meina, ég vildi fá að vera á dagvöktum núna, en það gekk ekki, en ekki er ég í brjálaðri fýlu og bara neita að mæta út af því.

En talandi um allt annað, þá á mamma afmæli í dag. Ég var rosalega góð og gaf henni snilldar afmælisgjöf =) En hún getur skrifað um það á sinni eigin bloggsíðu, ef hún mun nokkurntímann nenna því =Þ

Jæja, það er ekkert annað sem mér finnst mikilvægt að segja ykkur í bili...
Nema kannski að ég á afmæli eftir 9 daga =D

Dagmar Ýr

Nýr bloggari

Jæja...þá eru fleiri búnir að bætast í heim bloggara og engin annar en Jóhanna (besta frænka í heimi) í þetta sinn.

Slóðin er http://www.frujohanna.blogspot.com/

=D

Ok...betra blogg

Ég veit ekki hvort allir vita þetta, en ég var að lita á mér hárið fyrir nokkrum vikum. Ég er núna orðin ljóshærð. Ég er búin að venjast þessu algjörlega, og mér finnst bara kjánalegt að sjá mig dökkhærða á myndum.

Og fyrir fólk sem er ekki mjög hrifið af þessu ætla ég bara að segja að mér er alveg sama hvað þeim finnst, ég nenni ekki að heyra að þetta sé asnalegt, eða ljótt eða eitthvað annað neikvætt. Mig langaði að gera þetta, þannig að ég gerði þetta. Og þannig er það bara. Ég er ekki að fara að lita hárið mitt dökkt bara af því að einhver sagði mér að þeim finnst ég ætti að gera þetta.

Ég er ÓGEÐSLEGA ánægð með þetta =)

Og hérna eru myndir (aðallega fyrir Tinnu, af því að hún er að verða brjáluð)





=D

Bloggleysi? Ég trúi þessu ekki...

Í gær fékk ég þær fréttir að einhver ákveðin aðili var að segja mér að fara að blogga af því að ég væri ekki búin að blogga í svo ógeðslega langan tíma...Ég fékk þessar fréttir ekki frá þessum ákveðna aðila, heldur þurfti einhver annar aðili að segja mér frá þessu. Og þá vaknar ein spurning hjá mér. Af hverju getur þessi ákveðni aðili ekki bara sent mér tölvupóst, ef hann er svona forvitinn um lífið mitt?

Alltaf úti að borða

Eins og ég sagði í síðasta bloggi, ætluðum við að fara út að borða á Caruso á laugardaginn í síðustu viku, sem við gerðum, og það var alveg geðveikt skemmtilegt. Það var reyndar soldið fúlt að ekki allir komust, en það var geggjað að hitta þá sem komu sem ég hafði ekki talað við í soldin tíma =)
Svo var maturinn líka alveg frábær. Og hann var ekki jafn dýr og maður bjóst við. Sem er bara gott =)

Svo eftir matinn kíktum við aðeins niður í bæ, en samt ekkert voðalega lengi. Svo fóru sum okkar heim til Þórdísar og vorum alveg heillengi að spjalla saman. Sem betur fer hafði Óli spurt mig nokkrum dögum fyrr hvort ég vildi ekki skipta einni vakt við hann. Þannig að ég þurfti ekki að vinna á sunnudaginn =) Og það er alltaf gott. En ég var hinsvegar að vinna í gær. Sem var ekki alveg jafn gott. Ég fékk þó borgað fyrir að leiðast...

Svo var árshátíðin hjá 10-11 á miðvikudaginn. Það var alveg geðveikt stuð. Jónsi í svörtum fötum var að reyna að skemmta okkur, og honum tókst það bara nokkuð vel =) og í þau skipti sem það gekk ekki nógu vel, fækkaði hann fötum *haha*
Maturinn þarna var æðislegur, sérstaklega kartöflurnar og grænmetið.
Svo var einn af kokkunum að reyna við mig, og það var bara gaman =Þ

Talandi um að það sé reynt við mig... Ég lenti í einu svakalega fyndnu í vinnunni í gær. Klukkan var eitthvað rúmlega 10 um kvöldið, og ég að bíða spennt eftir því að komast heim, þegar einhver útlendingur kemur inní búðina. Það fyrsta sem hann gerir þegar hann sér mig er að blikka mig. Svo fer hann að sækja eitthvað sem hann ætlaði að kaupa, og spyr mig svo hvort hann eigi að koma með smá viskí handa mér...ég segi nú nei takk, og hann fer eitthvað að tala um hvað það hlýtur að vera einmanna að vinna svona einn á kvöldin og eitthvað...svo spyr hann mig hvað ég ætla að gera eftir vinnu. Og ég segi honum að ég ætli bara líklegast heim...kannski færi ég heim að skipta um föt og kíkja einhvert annað, en líklega ekki. Og þá spurði hann mig hvort ég væri að fara í orgýju... Mér datt ekkert annað í hug að segja heldur en nei, en mér fannst þetta svo ógeðslega fyndið að ég átti erfitt með að drepast ekki úr hlátri þegar hann var farinn =Þ

En núna held ég að ég hafi ekkert annað að segja, þannig að ég ætla að skella mér í sturtu og reyna svo að finna eitthvað skemmtilegt að gera =)

Dagmar

Ég á mér voða lítið líf þessa daga

Það er bara ekkert þess virði að blogga um í lífi mínu finnst mér.

Ég var reyndar að lana í dag...ef það væri hægt að kalla það að lana =Þ Það voru allir í Call og Duty (held ég að leikurinn heiti allavega) og ég prófaði leikinn...tveimur mínútum seinna var ég búin að deyja þrisvar og svo ákvað ég að ég nennti þessu ekki lengur, og ég fór bara að leika mér í einhverjum einföldum leikum sem voru í tölvunni =Þ En ég skemmti mér alveg vel =)

Svo eftir rúmlega klukkutíma var ég komin með nóg af Spongebob Squarepants leiknum mínum þannig að ég ákvað að kíkja í Kringluna og sjá hvort ég mundi ekki finna einhverjar buxur á mig af því að ég átti rúmlega 7.000kr eftir af gjafabréfunum sem ég fékk í útskriftar- og jólagjöf. Og auðvitað líka af því að það eru útsölur í Kringlunni =) Eftir nokkra mínútna leit fann ég mjög flottar gallabuxur með belti sem var ekki ljótt, og þær pössuðu á mig þannig að ég keypti þær. Ég fékk rúmleg þúsund króna afslátt fyrir þær, þannig að þær kostuðu tæplega 5.000kr sem mér fannst bara fínt verð fyrir þær =)
Svo þegar ég var búin að finna mér buxur var klukkan eitthvað um 20 mínútur í 5 og ég ákvað að kíkja aðeins á Sól, sem var að vinna í Betra Líf, og ég hafði ekkert betra að gera =Þ og ég var hjá henni alveg til 7 þegar hún var búin að vinna =) ekkert mjög leiðinlegur dagur hjá mér =Þ

Svo á morgun erum við nokkur að fara út að borða á Caruso til að halda uppá það að Anna María er búin í prófum =) Rosa gott hjá henni =) Ég trúi ekki að hún er að verða búin með fyrsta árið af háskóla!! Alveg ótrúlegt.

Ég er alveg að verða brjáluð á lætunum í íbúðinni fyrir ofan mig. Það er örugglega verið að gera íbúðina upp, og það er alltaf verið að bora og hamra og eitthvað svona sem gerir þvílík læti.

En jæja, ég held að ég ætli að kíkja í sturtu og eitthvað svoleiðis.
Dagmar

Mér leiðist...=/

Já mér leiðist...ég hef voðalega lítið að gera. Ég er bara að bíða eftir að þvottavélin er búin, og þá tek ég úr henni og hengi upp allt, og set meira í hana og kveiki á henni aftur. Það verður hápunktur dags míns. Þangað til partýið allavega...

Þórhildur ætlar að halda afmælispartý í kvöld, í tilefni þess að verða orðin tvítug =) Ég vildi að ég væri tvítug =Þ en það gerist eftir tæplega 2 mánuði...eða 54 daga...það hljómar eins og það sé geðveikt langt þangað til =/

Það er annars voðalega lítið að frétta. Ég er alltaf að leita mér að annarri vinnu. Ég meika ekki að vera alltaf á kvöldvöktum...það er bara fáranlegt. Eeennn...það virðist engin vilja fá mig í vinnu =( Og það er voðalega leiðinlegt af því að ég get eiginlega ekki minnkað vinnuna í 10-11 fyrr en ég fæ aðra vinnu, eða er komin í skóla, og ég er ekki með aðra vinnu og skólinn byrjar ekki fyrr en í ágúst...og ég meika engan veginn að vera á kvöldvöktum á næstumþví hverjum einasta degi í fjóra mánuði í viðbót...

Jæja...þvottavélin er búin

Dagmar Ýr

Gleðilega páska!!

Gleðilega páska, allir þið sem lesa bloggið mitt!!! =D



Wow hvað árið er að líða hratt. Mér finnst að jólin hafa verið í fyrradag =Þ

Páskarnir hjá mér eru búnir að vera alveg fáranlegir...ég er búin að vera að vinna í ALLAN DAG!!! Frá rúmlega hálf 8 til tæplega hálf 18...við erum að tala um næstumþví tíu klukkutíma...sem betur fer fæ ég alveg ekkert smá góð laun fyrir þetta =)

En þegar ég kom heim eldaði ég páskamatinn minn =) hakk og spagettí. Og núna er ég að fara að sækja páskaeggið mitt úr ísskápnum og borða það =) Ég hlakka voða mikið til =Þ ég er ekki búin að fá páskaegg í heilt ár!! =Þ skrítið...ég veit *haha*

En ég er alveg ein hérna...sem sökkar smá. Ég hef engan til að deila frábæra matnum mínum með...og ég get svo svarið fyrir það að hakkið og spagettíið mitt var svo gott að mig langar næstumþví ekki að fá mér páskaegg. En bara næstumþví =Þ

Jæja, það er góð mynd að fara að byrja í sjónvarpinu þannig að ég ætla bara að hætta þessu bulli =)

Dagmar

Mánuður =O

Jæja Jóhanna, þá er ég loksins að blogga. Það er ekki eins og ég hafi neitt betra að gera í augnablikinu =Þ

Og þá er bara að muna það sem ég hef gert síðasta mánuð...

Ég var með stelpukvöld um daginn. Ég bauð stelpunum í heimsókn og við hlustuðum á tónlist og spjölluðum saman og svoleiðis. Við vorum búnar að kaupa andlitsmaska og ís og eitthvað og ætluðum bara að hafa þetta alvöru =)
Þórdís vildi líka að við (og þá meina ég Sól) krotaði á bakið hennar til að sjá hvort hugmyndin hennar að tattooi væri flott. Og það endaði svona...

Sem sagt skriftin niður bakið hennar. Gegt flott.

Ég ákvað að halda "Takk fyrir matinn" partý handa Þórhildi. Hún hefur nefnilega oftar en rosalega oft gefið fullt af vinum sínum mat þegar hún var að vinna á Serrano, en fékk aldrei neitt í staðinn. Mér datt þá í hug að halda surprise partý handa henni. Við þurftum samt að hafa þetta á sunnudegi af því að það var síðasti dagurinn hennar. Þannig að þetta þurfti að vera matarboð en ekki venjulegt partý. Og ég þurfti að hugsa voðalega mikið um hvað ætti að elda. Mér datt í hug að það væri frábær hugmynd að fara sem lengst frá mexikóskum mat og hægt væri =Þ Svo kom besta hugmynd ever. Auðvitað ætti ég að hafa japanskan mat. Hún var einmitt á einhverju japönsku námskeiði eða eitthvað og fannst það alveg geggjað. Þannig að ég pantaði svona sushi veislubakka frá sushi staðnum hjá Iðu. Þetta partý hepnaðist alveg ótrúlega vel. Þórhildur var mjög ánægð (held ég allavega...) og þetta var bara ógeðslega skemmtilegt =D

Nema ég var veik daginn eftir...og var send heim úr vinnunni eftir svona korter...

Nokkrum dögum seinna kom Jóhanna í heimsókn með Ella og Aron Kára =D

Hann Aron Kári er alveg voðalega mikið krútt =)

Eins og sést á þessari frábærri mynd sem ég tók =)

Og svo er hann farinn að læra að skríða líka =)

Hann var voðalega spenntur að fá iPodinn minn =Þ og var alltaf að skríða eftir honum. Hann fékk samt ekki að fá hann =Þ

Hvað hef ég annað gert í þessum mánuði...?

Vinna á fullu að sjálfsögðu...

Svo fór ég reyndar í bakinu um daginn...það var ömurlegt...en ég jafnaði mig fljótlega á því...

En ég bara man ekki eftir neinu öðru sem er þess virði að segja ykkur...

Þannig að ég læt þetta bara duga...

Bæbæ
Dagmar Ýr